puok2 kito blako la tuh

Puok2 kito ni asanyo skoloh arab, skoloh agamo. Tahu la serba sikit hukom hala hare, gapodio buleh gapodio tokleh. Kalu lah di takdirkey puok2 kito ni masuk neraka, mitok jauhla [Allahumma, mitok hare lah api nrako atah jasad kami], tapi kalulah betul lagu tu, puok2 kito nilah hok ake dok ppatak paling bowoh skali; puok2 hok ado ilmu, tapi toksoh kato nok ppakak2 sebar, tapi ko diri sdiri pon tok amal. Dulu bukey main lagi kato kononnyo esok2 kalu ngaji jauh2, kalu khijo jauh2, adolah pelue nok sebar kalimah Tuhe nih. Lloni, bukan stakat nok sebar kalimoh tauhid, Tuhe sdiri pon jjadi tok kenal doh. Nga hok jate mmain ttino nyo, nga hok ttino main jatenyo, nga hok dulu tok rajin tingga jmooh, lloni tok rajin miss tinggal smayenyo, nga hok dulu siak buleh jjadi tok imam trawih lagi, lloni gagap2 nok baco doa iftitahnyo, nga hok tok ingat maksud pkatoe auratnyo, nga segalo mace lagilah!
lagu nii lah bekase skoloh agamo. Pahtu lagumano pulok bekase skoloh biaso hok dok kelih kito, hok jjadi member kito? Kito pulok lebih sete [setan]. Aku bukenyo apo, cumo skodar sebagai peringate kepada smua2 kitolah terutamonyo ko diri aku sdiri. Jauh dok ccerok mano skalipong kito, ingatlah asa usol, ingatlah ttitih kturune, ingatlah maso depan anok2 kito esok2 lagumano kalu kito sdiri pong jjale tok brapo beto.